In Voskopje wurden 17 antike Ikonen gestohlen im Werte von 3,6 Millionen $.
Ein ungeheurer Verlust für Albanien.
SHOQEROHET NJE I DYSHUAR, ENDE MISTER AUTORET
Voskopojë, vidhen 17 ikona të rralla
Drejtori i monumenteve: Vlejnë 3.6 milionë USD
--------------------------------------------------------------------------------
Roland Beqiraj
Grabiten 17 ikona të lashta në kishën e Shën Thanasit në Voskopojë të rrethit të Korçës dhe një tjetër objekt i quajtur "dragonjtë". Megjithëse dje është shoqëruar një person, ende nuk është zbuluar autori i ngjarjes.
LAJMI
KORÇE
Grabitësit kanë vënë kokën në rrezik për të grabitur 17 ikonat e kishës së Shën Thanasit në Voskopojë, por duket se e kanë menduar mirë që, nëse "dalin me sukses", fitimi do të jetë i majmë. Plot 3.6 milionë dollarë është vlera e objekteve të vjedhura në kishën shekullore. Siç është bërë e ditur, dje në mëngjes, në kishën në fjalë është konstatuar vjedhja e 17 ikonave, punime të shekujve XVII dhe XVIII. Fillimisht këtë vjedhje e kanë bërë të ditur dy kujdestarët e degës së Institutit të Monumenteve të Kulturës, të cilët më pas kanë njoftuar policinë e Korçës. Sipas uniforave blu, kujdestar Kristaq Bani, mëngjesin e së shtunës ka njoftuar për grabitjen e ikonave. Pas mbërritjes në vendngjarje, policia ka pohuar se vjedhësit kishin shqyer me levë drynin e derës së jashtme të kishës dhe ishin futur brenda ambientit për të marrë objektet me vlerë. Këto ikona të vjedhura ishin në korniza dhe të lyera me ar. Ndërkohë që Drejtori i Degës së Monumenteve të Kulturës, Kliti Kallamata, ka bërë të ditur se janë vjedhur edhe dy dragojtë, gdhendje këto në dru, punime të shekullit të XVIII, që gjendeshin poshtë kryqit të ikonostasit. Meqenëse kisha e Shën Thanasit gjendet në periferi të fshatit, brenda ambienteve të varrezave të fshatit, vjedhja nuk ka qenë e vështirë për t'u kryer. Madje, sipas policisë, nuk është çudi që grabitja të jetë bërë edhe ditën. Për këtë vjedhje janë shoqëruar në komisariatin e policisë disa persona, por ende nuk bëhet e ditur për ndonjë ndalim.
Ndërkohë, Drejtori i Degës së Institutit të Monumenteve të kulturës në Korçë, Kliti Kallamata, ka treguar për Gazetën edhe vlerën e objekteve të vjedhura.
siehe auch
http://www.shekulli.com.al/index.ph...05&PHPSESSID=349ab74da6c59ff79c38aa6deebe7e0d