Studentët shqiptarë, më të mirët në Evropë për projektet në biznes
Ekipi i studentëve shqiptarë u paraqit me 7 projekte në fushën e sipërmarrjes së lirë, të cilat tërhoqën vëmendjen e jurisë ndërkombëtare, ku ishin prezent profesorë të dëgjuar të ekonomisë, përfaqësues te komunitetit të biznesit evropian etj. Madje në finale ata kanë lënë prapa dhe studentet nga Anglia, Franca e Rusia. SIFE (Students in Free Enterprise), ose e thënë në shqip, studentët në sipërmarrjen e lirë, është një organizatë ndërkombëtare jofitimprurëse, e cila mobilizon studentët e universiteteve kudo në botë, për të krijuar mundësi ekonomike për të tjerët, duke zbuluar potencialin e tyre, për t i përdorur njohuritë në përmirësimin e vetes, komunitetit dhe vendit të tyre. Kjo organizatë prej më shumë se 25 vjet afron dhe nxit ekipe studentësh nga mbarë rruzulli që të angazhohen gjatë periudhës së studimeve me projekte të ndryshme biznesi, për të krijuar eksperiencë para se të nisin karrierën. Prej 4 vjetësh në rrjetin e konkurentëve të SIFE-s është ingranuar dhe një ekip studentor nga Fakulteti Ekonomik në Tiranë. Këtë vit gjatë Kampionatit Evropian, që u zhvillua në Paris, ekipi shqiptar fitoi kupën, duke prezantuar projektet më të mira nga gjithë pjesëmrrësit e tjerë. Dekani i Fakultetit Ekonomik në Tirane, Prof. Dhori Kule, thotë se qysh nga debutimi i para katër vjetëve ekpi i studentëve shqiptarë ka rezultate në ngjitje. Prof.Kule përmend faktin se "vitin e kaluar në një konkurrim të tillë të SIFE-s ne u renditëm të pestët në botë, duke lënë prapa ekipe studentësh, që vinin nga universitete me emër dhe traditë dhejtravjeçare". Duke folur për konkurimin e ditëve të fundit në Paris, dekani i Ekonomikut thotë se nga ekipi shqiptar u paraqitën 7 projekte, të cilët tërhoqën vëmendjen e jurisë ndërkombëtare, ku ishin prezent profesorë të dëgjuar të ekonomisë, përfaqësues të komunitetit të biznesit evropian etj. "Ky nivel dinjitoz prezantimi i studentëve duhet të merret në konsideratë nga institucionet publike e private në Shqipëri për angazhimin e tyre pas diplomimit," thotë Prof. Kule.
Ky lajm është publikuar: 15/09/2006
http://www.ballkan.com/index.php?page=shownews&newsID=40374
Ekipi i studentëve shqiptarë u paraqit me 7 projekte në fushën e sipërmarrjes së lirë, të cilat tërhoqën vëmendjen e jurisë ndërkombëtare, ku ishin prezent profesorë të dëgjuar të ekonomisë, përfaqësues te komunitetit të biznesit evropian etj. Madje në finale ata kanë lënë prapa dhe studentet nga Anglia, Franca e Rusia. SIFE (Students in Free Enterprise), ose e thënë në shqip, studentët në sipërmarrjen e lirë, është një organizatë ndërkombëtare jofitimprurëse, e cila mobilizon studentët e universiteteve kudo në botë, për të krijuar mundësi ekonomike për të tjerët, duke zbuluar potencialin e tyre, për t i përdorur njohuritë në përmirësimin e vetes, komunitetit dhe vendit të tyre. Kjo organizatë prej më shumë se 25 vjet afron dhe nxit ekipe studentësh nga mbarë rruzulli që të angazhohen gjatë periudhës së studimeve me projekte të ndryshme biznesi, për të krijuar eksperiencë para se të nisin karrierën. Prej 4 vjetësh në rrjetin e konkurentëve të SIFE-s është ingranuar dhe një ekip studentor nga Fakulteti Ekonomik në Tiranë. Këtë vit gjatë Kampionatit Evropian, që u zhvillua në Paris, ekipi shqiptar fitoi kupën, duke prezantuar projektet më të mira nga gjithë pjesëmrrësit e tjerë. Dekani i Fakultetit Ekonomik në Tirane, Prof. Dhori Kule, thotë se qysh nga debutimi i para katër vjetëve ekpi i studentëve shqiptarë ka rezultate në ngjitje. Prof.Kule përmend faktin se "vitin e kaluar në një konkurrim të tillë të SIFE-s ne u renditëm të pestët në botë, duke lënë prapa ekipe studentësh, që vinin nga universitete me emër dhe traditë dhejtravjeçare". Duke folur për konkurimin e ditëve të fundit në Paris, dekani i Ekonomikut thotë se nga ekipi shqiptar u paraqitën 7 projekte, të cilët tërhoqën vëmendjen e jurisë ndërkombëtare, ku ishin prezent profesorë të dëgjuar të ekonomisë, përfaqësues të komunitetit të biznesit evropian etj. "Ky nivel dinjitoz prezantimi i studentëve duhet të merret në konsideratë nga institucionet publike e private në Shqipëri për angazhimin e tyre pas diplomimit," thotë Prof. Kule.
Ky lajm është publikuar: 15/09/2006
http://www.ballkan.com/index.php?page=shownews&newsID=40374
