Kombëtarja e Kosovës në hendboll për në Turqi u nisën për rezultat pozitiv, por sa shihet në dy ndeshjet e para nuk iu shkon hiq me turqit. Hendbollistët tanë pësuan edhe humbjen e dytë brenda ditës së dytë me rezultat të lartë 21:30. Dy humbje radhazi që kanë gol-dallimin minus 24 gola gola (43:67) në disfavor të Kosovës. Turqit luajnë hendboll të hapur, janë më të përgatitur, më të shpejt dhe më të shkathët në sulm. Këtë herë të gjithë hendbollistët e Turqisë u dalluan dhe efikasiteti më i mirë ishte te dy henbdollistët Tolga e Ufuk me nga pesë gola. Besnik Shala edhe në ndeshjen e dytë dëshmoi zemër të madhe, duke shënuar shtatë gola ose për dy ndeshje ka shënuar gjithsej 17 gola. Edhe Besfort Bilalli u mundua, shënoi pesë gola, por assesi të nxjerrin rezultat më pozitiv. Përzgjedhësi Alfred Llazari lirisht mund të thuhet se i ka parë të gjitha mangësitë e kombëtares sonë. Dhe deklaratat e tija të mëhershëm se është rritur cilësia e hendbollit të Kosovës bien në ujë me dy ndeshjet e deritashme. Duhet kujtuar Llazarit se para dy viteve në Prishtinë Kosova luajti baras (22:22) me Turqinë. Tashmë përballë Turqisë në dy ndeshje pësoi dy humbje madje me shifra të larta. Faji nuk është te Llazari, sesa është te trajnerët e shumicës së klubeve që pak kanë punuar me hendbollistët dhe përgatitja fizike është shumë larg asaj që dëshirojmë të gjithë. Llazari duhet ta di se kombëtarja nuk krijohet për rezultate brenda natës, por i duhet shumë punë e punë për të bërë një kombëtare të denjë për të ardhmen. Nota më pozitive që kanë bërë përzgjedhësi është ftesa e disa hendbollistëve të rinj në kombëtare, të cilët duhet kalitur për ndeshjet e ardhshme. Humbjet me rezultate te larta janë të mirëseardhura për faktin se kanë zbritur më këmbë në tokë trajnerët e përfaqësueses së Kosovës sepse kanë pasur bindje se janë më të fortë se Turqia. Do të ishte e tepër të thuhet se kësaj here turqit nuk ua bën qejfin trajnerëve tanë, por iu treguan se duhet shumë për të punuar për ndërtimin e një kombëtare të denjë për të ardhmen.
Turqia-Kosova 30:21 (15:12)
Turqia: İbrahim, Alperen 4, Çağlayan, Müjdat, İdris 2, Ömer Aslan 1, ªenol Boyar 1, Efe 4, Durmuº 2, Gökhan, Ufuk 5, Emre Keskin 3, Ramazan 3, Tolga 5, Hüseyin.
Kosova: Curri, Krasniqi, Shala 7, Bilalli 5, Zekaj 1, Kastrati, Cimili, Mjeku, Kabashi 3, Maloku 3, Kusari, Trajkovski 1, Zhubi, Bislimi 1, H. Dobroshi.
