GAFURR ADILI
Gadishulli Ballkanik, pjesë e të cilës ka qenë dhe mbetet edhe Shqipëria Etnike, historikisht ka qenë një nzjë nevralgjike midis Lindjes dhe Perëndimit. Gadishulli Ballkanik, gjithashtu ka qenë dhe mbetet edhe një urë jakalimtare midis Lindjes dhe Perëndimit; ku, sa herë është fuqizuar Lindja dhe kur ndonjë Perandori e saj (Bizantine apo Otomane), ka dashur të pushtojë Perëndimin, një gjë të tillë e ka bërë përmes Gadishullit Ballkanik dhe të trojeve të Shqipërisë Etnike. Dhe anasjelltas, sa herë që eshtë fuqizuar Perëndimi dhe kur ndonjë Perandori e Perëndimit (Romake apo Austro-Hungareze) ka dashur të pushtojë Lindjen, një gjë të tillë e ka bërë përmes Gadishullit Ballkanik dhe edhe të trojeve të Shqipërisë Etnike.
Historiografia, jo vetëm shqiptare, por edhe ajo botërorë, tanimë e ka pranuar se një gjë e tillë ka ndodhur edhegjatë Perandorisë Otomae, kur përballë saj, për gati 25 vjet, luftuan shqiptarët me në krye Heroin Kombëtar, Gjergj Kastrioti-SKENDËRBEU, që, krahas luftërave për liri, e ka mbrojtur edhe Evropën dhe edhe krishterimin evropian nga sundimi otoman. Por Evropa Plake, në vend që këtë meritë kaq madhore t’ua njihte shqiptarëve, përmes konferencave të saj famëkeqia, ajo i ndëshkoi shqiptarët dhe e legjitimoi edhe pushtimin dhe kolonizimin sllavo-grek. Republika e Shqipërisë është një rast “sui generis”, sepse nga të gjitha anët e saj kufizohet vetëm me popullin shqiptar dhe me trojet e veta etnike shqiptare.
Shqiptarët janë pro-amerikanë dhe edhe aleatë të SHBA-ve; por, a janë SHBA-të aleatët e shqiptarëve..?!
Para 3 vjetësh kam publikuar shkrimi: Pse shqiptarët janë pro-amerikanë…?!
Dhe, mbaj mend që këtë gjë e kam argumentuar kështu:
1. Sepse Evropa Plake me shqiptarët është sjellur dhe vazhdon të sillet si një njerkë;
2. Sepse, kur fëmijëve iu mungon dora e ngrohtë e nënës së tyre dhe këtë dorë të ngrohtë atyre iu ofron komshiu, siç ka ndodhur dhe po ndodh, edhe në rastin konkret me ne shqiptarët, në relacionin Evropë-SHBA, kur ne dy rastet me ekxstreme të shqiptarëve, në Konferencën e Parisit (1918), kur Evropa Plake legjitimonte pushtimin dhe kolonizimin e Shqipërisë Etnike, ishte amerikani Wilson, ai që kundërshtoi këtë legjitimim të pushtimit dhe të kolonizimit të Shqipërisë Etnike, dhe gjithashtu kur shqiptarët e Kosovës, gjatë luftës së tyre (të vitit 1998-1999) përballeshin me gjenocidin fashisoid të Serbisë, Evropa përsëri na u shfaq si një njerkë dhe SHBA-të përsëri iu dolën në mbrojtje shqiptarëve, jo vetëm shqiptarëve të Kosovës, por të gjithë shqiptarëve, si komb. Pra, kjo ka qenë edhe arësyja kryesore se pse shqiptarët janë pro amerikanë, dhe duke qenë të tillë kujtojnë se edhe SHBA-të janë aleatët e tyre dhe se SHBA-të na qenkan edhe pro ribashkimit kombëtar të shqiptarëve dhe të trojeve të tyre etnike në një komb-shtet të vetëm, me emrin SHQIPËRI, gjë kjo që, jo vetëm që aspak nuk është e vërtetë, por përkundrazi…., është një mashtrim i rradhës i matrapazëve politikë.
SHBA-të dhe interesat e tyre strategjike ne Ballkan!
Gadishulli Ballkanik, si një nyje nevralgjike dhe strategjike, edhe sot e kësaj ditë ndikohet nga interesi i Përandorive aktuale të Botës, qofshin ato Perandori të Perëndimit, siç janë SHBA dhe Unioni Evropian, apo edhe Perandori të Lindjes, siç janë Rusia dhe Kina, prandej edhe ne shqiptarët po ballemi me ndarjen e zonave te influencës midis këtyre përandorive të kohës, për çka edhe sot e kësaj ditë, përdandoritë e sipërcekura, vazhdojnë që në Gadishullin Ballkanik, pjesë të Evropës, t’i mbajnë në fuqi vatrat e nxehta të luftërave, siç janë: Bosnja e Hercegovina, Kosova dhe IRJM.
Sikur SHBA-të të udhëhiqeshin nga Parimi Wilsonian, Parimi i Vetëvendosjes, parim ky i sanksionuar edhe në dhjetëra Konvent e Rezoluta të OKB-ve, në Gadishullin Ballkanik nuk do të duhej të dominonte Parimi i OSBE, për mosndryshimin e kufijeve, sipas të cilit parimi edhe u orkestruan: Dejton (1994), Rambuje (1999) dhe Ohëri (2001), nga të cilat orkestrime, duke krijuar edhe shtete multietnike në Ballkan, të llojit ish RSFJ, edhe sot e kësaj dite Bosnja – Hercegovina dhe IRJM vazhdojnë të mbetën vatra krizash dhe luftërash në Gadishullin Ballkanik, të cilat mundet të ndizen kurdo që të dëshirojnë ata që edhe i kanë organizuar dhe edhe orkesturuar këto skenare shumë të rrezikshëm, por SHBA-të do të kishin zbatuar Parimin Wilsonian, ku Gadishulli Ballkanik, nga një "fuci baroti", sot do të ishte shëndërruar në një oazë paqe e stabiliteti, jo vetë për Gadishullin Ballkanik, por edhe për të gjithë Evropën dhe edhe më gjërë.
Nuk ekziston asnjë dallim midis "aleates" SHBA dhe asaj "aleates" së dikurshme Austro-Hungari të shqiptarëve!
Ashtu si dikur Austro-Hungaria i kishte përkrahur shqiptarët, për sa kohë ajo i kishte patur interesat e saj strategjike ne Ballkan dhe edhe mbi trojet etnike shqiptare, duke bërë edhe kompromise në dëm të interesave kombëtare të shqiptarëve dhe edhe të Shqipërisë Etnike, edhe "aleatja" SHBA, vetëm për interesat e saj strategjike ne Ballkan dhe edhe në trojet e Shqipërisë Etnike, dhe kurrsesi jo për sytë e bukur të ne shqiptarëve, na shitet sikur i përkrah shqiptarët dhe edhe ribashkimin kombëtar të tyre, me qëllimin e saj të vetëm, që t'i manipulojë dhe edhe t'i sabotojë forcat patriotike shqiptare dhe edhe intelektualët atdhetarë të llojit Mehdi Hyseni dhe Koco Danaj.
Sikur SHBA-të, vërtetë të ishin aleatët e shqiptarë dhe edhe pro ribashkimit kombëtar të shqiptarëve, në një komb-shtet të vetëm, me emrin Shqipëri, atëherë (Qershor 1999) në Kosovë do ta kishin organizuar Referendumin Popullor, me dy pyetje konkrete:
1. Ribashkim me Shqipërinë? apo
2. Ribashkim me Serbinë?
Dhe, sot Kosova nuk do të ishte Palestina e Re e Ballkanit dhe e Evropës, siq edhe është realisht.
Vetëm ne shqiptarët (historikisht) pushtuesit i kemi quajtur dhe edhe sot i quajmë aleatë.
Nuk do të dëshiroja kurrë që, në këto pozita të binin dy miqtë e mi të vjetër, Zoti Mehdi Hyseni dhe Zoti Koco Danaj.
