G
Gjeto
Guest
Xhaxhai i Januzajt, lojtarit të Mançester Junajtid: Të dielën kemi takim me FSHF-në
Familja Januzaj ka rënë në një dilemë të madhe. Shkak është bërë mesfushori i talentuar Adnan Januzaj, që aktivizohet me skuadrën e madhe angleze, Mançester Junajtid. Adnani dhe familja e tij janë vënë nën presion nga Federata Belge e futbollit dhe ajo e Shqipërisë, të cilat janë tejet të interesuara që t’i sigurojnë shërbimet e tij. 18-vjeçari ende nuk është aktivizuar me asnjë përfaqësuese. “Çdo ditë kemi telefonata nga njerëz, si të Shqipërisë ashtu edhe të Belgjikës, të cilët pyesin se për cilën Kombëtare do të luajë në të ardhmen Adnani…”, – ka deklaruar të premten për “Sport Plus” xhaxhai i futbollistit, Nexhmedin Januzaj. “Familja është nën presion. Sa herë që ka ndeshje dhe grumbullime Belgjika U-21, Adnanit gjithmonë i vijnë ftesa, të cilat përherë refuzohen nga familja jonë. Na ka bërë ftesë zyrtare edhe FSHF-ja për të luajtur me Shqipërinë, por ne si familje kemi rënë dakord që momentalisht mos të shpejtojmë për të vendosur se cilën do të përfaqësojë Adnani në të ardhmen”, – ka thënë ndër të tjera Nexhmedin Januzaj. Ai është një nga njerëzit më të dashur për Adnanin. Ka qenë pikërisht xhaxhai, i cili e ka motivuar dhe e ka shtyrë që të merret me futboll. Në pyetjen se nga i rreh zemra më shumë familjes Januzaj, nga Shqipëria apo vendin në të cilin u formua si lojtar Adnani, Belgjika, Nexhmedini nuk pati përgjigje. “Vërtet, nuk di çfarë të them”.
Takimi Januzaj deklaron se të dielën do të zhvillojnë një takim me zyrtarët e Federatës Shqiptare të futbollit. “Disa gazetarë nga Kosova e Shqipëria na kanë ftuar në një takim dhe ne kemi pranuar që të marrim pjesë me shumë kënaqësi. Në takim do të ketë edhe zyrtarë të FSHF-së”, – tha Januzaj. Ky takim do të ndodhë pas ndeshjes Mançester Junajtid-Suansea. Mesfushori nga Kosova së fundmi e ka fituar çmimin “Golden Ball” nga kompania “Adidas” për lojtarin e ri më të mirë në turneun “Blue Stars/FIFA Youth Cup”, që u organizua gjatë kësaj mesjave në Zyrih të Zvicrës. Në këtë event, i cili organizohet nga vetë FIFA, garojnë skuadrat ndër më cilësoret të botës. Nën fanellën e Borusia Dortmundit në këtë turne morën pjesë edhe tre talentet e Prishtinës, Liridon Latifi, Enis Gavazaj dhe Lorik Aliu.
Debutimi Prej disa javësh Januzaj është grumbulluar nga skuadra e parë e Mançesterit. Ai deri më tani është aktivizuar me ekipin e rezervave. “Ndoshta jeni të njoftuar që prej disa kohësh i është bashkuar skuadrës së parë. Në ndeshjet e fundit nuk ka luajtur, por besoj se debutimin në skuadrën e parë do ta bëjë që në sfidën e radhës ndaj Suanseas. Mançesteri tashmë e ka siguruar titullin e kampionit dhe shpresoj se do t’u japë më shumë hapësirë lojtarëve të rinj. Adnani vlerësohet shumë në këtë klub dhe besoj fuqishëm se do t’i jepet rasti dhe do ta dëshmojë veten”, – theksoi Januzaj, të cilit i vjen keq që ditë më parë, trajneri me më shumë trofe në Britaninë e Madhe, Sër Aleks Ferguson, i dha fund karrierës së tij. “Fergusoni e ka vlerësuar lart Adnanin dhe do të kishte qenë mirë që ai të fitonte nga përvoja e tij”, – përfundoi xhaxhai i Adnan Januzajt, Nexhmedini. Adnani në janar të vitit 2011 u transferua nga Anderlechti në Mançester pas insistimit të Aleks Fergusonit. Ai menjëherë u bë një ndër lojtarët më të paguar të akademisë së Junajtid.
Burimi: Xhaxhai i Januzajt, lojtarit të Mançester Junajtid: Të dielën kemi takim me FSHF-në
Diese Vorgehensweise halte ich für für falsch, wenn der Junge für AL Spielen will dann wird das so sein. Ihn unter druck zu setzten(anrufen) oder sowas halte ich für falsch ganz im ernst. Ich denke das er für Belgien spielen wird.
FSHF sollten so vorgehen 1. einladen für die A-Nationalmannschaft nicht für U21 oder sowas.
Am besten sollte Lorik Cana mit ihn persönlich Telefonieren, diesesn Alban Bushi oder Redi Jupi brauchst du nicht mitnehmen kann vor allem Bushi nicht trauen.
Noch was die Nationalmannschaft von Belgien ist richtig gut, ich wette besser als die von England.
