Er wurde mehrmals schon vor Jahren eingeladen, hat aber kontinuierlich abgelehnt, mit der Begründung, dass er seinen deutschen Pass nicht abgeben möchte. Komischerweise ist er jetzt bereit dies zu tun.
Familja Januzaj ka rënë në një dilemë të madhe. Shkak është bërë mesfushori i talentuar Adnan Januzaj, që aktivizohet me skuadrën e madhe angleze, Mançester Junajtid. Adnani dhe familja e tij janë vënë nën presion nga Federata Belge e futbollit dhe ajo e Shqipërisë, të cilat janë tejet të interesuara që t’i sigurojnë shërbimet e tij. 18-vjeçari ende nuk është aktivizuar me asnjë përfaqësuese. “Çdo ditë kemi telefonata nga njerëz, si të Shqipërisë ashtu edhe të Belgjikës, të cilët pyesin se për cilën Kombëtare do të luajë në të ardhmen Adnani…”, – ka deklaruar të premten për “Sport Plus” xhaxhai i futbollistit, Nexhmedin Januzaj. “Familja është nën presion. Sa herë që ka ndeshje dhe grumbullime Belgjika U-21, Adnanit gjithmonë i vijnë ftesa, të cilat përherë refuzohen nga familja jonë. Na ka bërë ftesë zyrtare edhe FSHF-ja për të luajtur me Shqipërinë, por ne si familje kemi rënë dakord që momentalisht mos të shpejtojmë për të vendosur se cilën do të përfaqësojë Adnani në të ardhmen”, – ka thënë ndër të tjera Nexhmedin Januzaj. Ai është një nga njerëzit më të dashur për Adnanin. Ka qenë pikërisht xhaxhai, i cili e ka motivuar dhe e ka shtyrë që të merret me futboll. Në pyetjen se nga i rreh zemra më shumë familjes Januzaj, nga Shqipëria apo vendin në të cilin u formua si lojtar Adnani, Belgjika, Nexhmedini nuk pati përgjigje. “Vërtet, nuk di çfarë të them”.
