Griechischer Metropolitan Antimos: Propaganda von Skopje ist satanisch
Митрополит Антимос: Пропагандата на Скопје е сатанска!
Средбите на Груевски во САД и изложбата на икони од македонски цркви во Холандија беа темите на вчерашната утринска богослужба во Солун. Митрополитот Антимос повторно во улога на презентер на вести.
Подготвен, со извадоци од печатот, на верниците им говореше за последните случувања во врска со грчката надворешна политика. Иконите и артефактите од македонските цркви изложени во Холандија, за Антимос се дел од грчкото културно наследство.
-
Сите овие икони, без разлика дали се икони што ги знаеме, или се дрворези или се ракописи или се било што друго, тие се духовно и културно наследство на грчките православни христијани од Македонија, истакна Антимос- солунски митрополит.
Не изостанаа ни нападите кон Македонија, обвинувајќи ја за ширење пропаганда.
-Морам да ви кажам дека е толку силна, толку постојана, толку сатанска, толку упорна оваа пропаганда против Грција. Дека тие се Македонци, односно потомци на Александар и Филип. Многу луѓе, стотици научници од странските факултети имаат докажано дека е трагична лага мислењето што го поддржуваат скопјаните, смета Антимос.
И покрај тоа што во Грција има реакции и негодувања за праксата на Антимос наместо богослужба да говори за политика, сепак тој смета дека е доволно компетентен за да ги известува верниците за грчките отворени национални прашања.
Сања Ристовска- дописник од Грција
Da wundert einen nichts mehr...