Du verwendest einen veralteten Browser. Es ist möglich, dass diese oder andere Websites nicht korrekt angezeigt werden. Du solltest ein Upgrade durchführen oder einen alternativen Browser verwenden.
Prej më se një jave, më shumë se 200 trupa të Batalionit të 3-të të Këmbësorisë (b3k) të Forcës Tokësore dhe elementë të mbështetjes nga Forca Tokësore dhe Komanda Mbështetëse janë vendosur në rajonin e Rreth - Grethit për të zhvilluar stërvitjen e planëzuar “Rreth - Grethi 2015”.
Për të ndjekur nga afër ecurinë e kësaj stërvitje sot ishin në rajonin e Rreth - Grethit ministri i Mbrojtjes znj. Mimi Kodheli dhe shefi i Shtabit të Përgjithshëm të FA, gjeneramajor Jeronim Bazo.“Është stërvitje e planifikuar dhe e mbështetur në Direktivën e Mbrojtjes dhe udhëzimet e SHSHP, por në funksion të pjesëmarrjes në misionin e Aleancës në Afganistan (Resolute Support Mission), disa prej objektivave të kësaj stërvitje u vendosën pikërisht për t’i shërbyer më mirë përgatitjes për mision dhe testimit të aftësive të personelit që do angazhohet së shpejti në këtë mision" – theksoi ndër të tjera nënkolonel Marku, komandanti batalionit gjatë prezantimit të qëllimit dhe objektivave të stërvitjes.
Përmes një skenari të dizenjuar me kujdes dhe në funksion të objektivave të stërvitjes, personeli i b3k demonstroi me disiplinë e profesionalizëm veprimet për zbatimin e procedurave standarde në detyrat e ruajtjes së bazës në situata të ndryshme, në pikë kontrolli dhe në patrullim. Gjithashtu u demonstrua precision edhe në qitje luftarake me skuadër.
Gjeneral Bazo vlerësoi punën e bërë nga batalioni në venddislokimin e përhershëm, të cilët prej 7 javësh, kanë zhvilluar programin stërvitor për OMP, për të arritur në stërvitjen kompaktësuese.
“Operacionet në mbështetje të paqes tashmë janë pjesë e traditës së angazhimeve ndërkombëtare të Forcave të Armatosura të Republikës së Shqipërisë. Për rreth dy dekada më shumë se 6500 ushtarakë, kanë treguar vlerat më të mira të një force ushtarake profesioniste e profesionale” – iu drejtua ministri i Mbrojtjes znj. Kodheli personelit të b3k dhe të pranishmëve në ceremoninë përmbyllëse.