Еден во низата капитални проекти на Град Скопје кои имаат позитивно влијание врз идниот развој на градот и подобрување на условите за живот на неговите жители е проектот за проширување и реконструкција на улицата Митрополит Теодосиј Гологанов.
Заштитен знак на оваа модерна сообраќајница, е турбо кружниот тек во делот меѓу улиците Митрополит Теодосиј Гологанов, Костурски херои и Мито Хаџивасилев Јасмин, кај Католичката црква.
Кружниот тек, кој е белег на оваа крстосница и е прв објект од ваков тип во Скопје и Македониај го красат 1 100 хризантеми во бела, жолта и розова боја.
Аранжираниот зелен појас го изведеоа екипи на ЈП „Паркови и зеленило“, а за полевање на истиот ќе се користи автоматски систем.
На кружниот тек се поставени и сообраќајни знаци, за полесно снаоѓање на возачите.
Формирањето на кружниот сообраќаен тек директно ќе влијае врз зголемувањето на безбедноста во сообраќајот во овој дел од градот.
Реализацијата на целокупниот проект, во голема мера ќе придонесе за решавање на сообраќајните проблеми во централното градско подрачје, ќе се зголеми проточноста на возила и ќе се намали времето на патување, што ќе придонесе за заштита на животната средина.
