Peyo
Kry madh
Fantazisti i kombëtares ndihet mirë te Kotbusi. “Nuk jam më i ri për një klub të madh. Do të rinovoj kontratën”
Pas një pushimi të shkurtër në Austri dhe pranë familjes së tij në Vlorë, Ervin Skela i është kthyer stërvitjes tek Energia Kotbus. Fantazisti i kombëtares është optimist për ecurinë personale dhe ekipit kuqezi gjatë vitit 2009. “Kam besim se do të jetë një vit i mbarë për kombëtaren,”- pohon Skela në një bisedë për “Sportin shqiptar”.
Ndeshja më e afërt paraeliminatore për grupin 1 është më 11 shkurt me Maltën në transfertë, ndërsa më 28 mars me Hungarinë në Tiranë. “Këto dy ndeshjet e para, për ne janë shumë të rëndësishme. Duke parë vlerat që ka ekipi ynë, mendoj se duhet t’i fitojmë të dyja. Me 6 pikë me Maltën dhe Hungarinë bëhet shumë mirë për ne.
Duke qëndruar me këmbë në tokë dhe duke u bërë hyzmetin këtyre dy ndeshjeve, fillimisht asaj në Maltë, jam i bindur që do të marrim më të mirën. Natyrisht, nuk duhet të bëhemi euforikë, sepse Shqipëria jemi,”- ka thënë mesfushori 32-vjeçar, i cili është një nga shtyllat e kombëtares.
Me fanellën kuqezi, deri më tani ka luajtur 54 ndeshje, teksa ka shënuar 10 gola, i fundit në miqësoren me Azerbajxhanin më 19 nëntor. I pyetur nëse e ka menduar një tërheqje nga kombëtarja, vlonjati u shpreh: “Kur të mbaroj ky edicion, që shpresoj shumë se do ta mbyllim me sukses, atëherë do të vendos për të ardhmen time në kombëtare.
Më shumë varet si do të ndihem vet nga ana fizike.” Si “veteran” i kuqezinjve, ai ka diçka për të thënë në lidhje me lojtarët e rinj. “Vitet kalojnë për ne lojtarët e brezit të vjetër dhe tani ka ardhur koha që të punojnë më shumë futbollistët e rinj që janë afruar në kombëtare. Ata duhet ta kuptojnë që duhet vetëm punë, sepse me llafe nuk bëhesh lojtar.”
Ndërkohë, në ditët e fundit të vitit 2008, Ulrih Lepsh, presidenti i Energia Kotbusit, ku bën pjesë Skela, ndër të tjera është shprehur se mesfushori shqiptar është një nga lojtarët më të rëndësishëm për ekipin gjerman dhe se do t’i kërkohet rinovimi i kontratës.
Në lidhje me këtë çështje, fantazisti ka sqaruar: “Kontrata me Kotbusin më përfundon në verën e këtij viti. Të enjten, ne si ekip do të udhëtojmë drejt Qipros, aty ku do të zhvillojmë fazën përgatitore. Me drejtuesit e klubit rreth kontratës së re do të flas në Qipro. Unë jam i qetë në këtë aspekt, sepse nuk kam asnjë problem.
Ndihem mirë dhe pa dyshim do të rinovoj me Kotbusin.” Ambiciet e Skelës për të kaluar në një klub më të madh, thuajse nuk ekzistojnë. Vetë futbollisti është i ndërgjegjshëm dhe e pranon se nuk ka më kohë për një gjë të tillë.
“Që të jem i sinqertë, s’ka më kohë për një klub të madh. Nuk jam më i ri dhe besoj se edhe dy-tri vite mund të luaj. Gjithsesi, në këtë moment, për mua e rëndësishme është që të luaj gjithmonë, sepse gjërat e tjera vijnë.”
Pas një pushimi të shkurtër në Austri dhe pranë familjes së tij në Vlorë, Ervin Skela i është kthyer stërvitjes tek Energia Kotbus. Fantazisti i kombëtares është optimist për ecurinë personale dhe ekipit kuqezi gjatë vitit 2009. “Kam besim se do të jetë një vit i mbarë për kombëtaren,”- pohon Skela në një bisedë për “Sportin shqiptar”.
Ndeshja më e afërt paraeliminatore për grupin 1 është më 11 shkurt me Maltën në transfertë, ndërsa më 28 mars me Hungarinë në Tiranë. “Këto dy ndeshjet e para, për ne janë shumë të rëndësishme. Duke parë vlerat që ka ekipi ynë, mendoj se duhet t’i fitojmë të dyja. Me 6 pikë me Maltën dhe Hungarinë bëhet shumë mirë për ne.
Duke qëndruar me këmbë në tokë dhe duke u bërë hyzmetin këtyre dy ndeshjeve, fillimisht asaj në Maltë, jam i bindur që do të marrim më të mirën. Natyrisht, nuk duhet të bëhemi euforikë, sepse Shqipëria jemi,”- ka thënë mesfushori 32-vjeçar, i cili është një nga shtyllat e kombëtares.
Me fanellën kuqezi, deri më tani ka luajtur 54 ndeshje, teksa ka shënuar 10 gola, i fundit në miqësoren me Azerbajxhanin më 19 nëntor. I pyetur nëse e ka menduar një tërheqje nga kombëtarja, vlonjati u shpreh: “Kur të mbaroj ky edicion, që shpresoj shumë se do ta mbyllim me sukses, atëherë do të vendos për të ardhmen time në kombëtare.
Më shumë varet si do të ndihem vet nga ana fizike.” Si “veteran” i kuqezinjve, ai ka diçka për të thënë në lidhje me lojtarët e rinj. “Vitet kalojnë për ne lojtarët e brezit të vjetër dhe tani ka ardhur koha që të punojnë më shumë futbollistët e rinj që janë afruar në kombëtare. Ata duhet ta kuptojnë që duhet vetëm punë, sepse me llafe nuk bëhesh lojtar.”
Ndërkohë, në ditët e fundit të vitit 2008, Ulrih Lepsh, presidenti i Energia Kotbusit, ku bën pjesë Skela, ndër të tjera është shprehur se mesfushori shqiptar është një nga lojtarët më të rëndësishëm për ekipin gjerman dhe se do t’i kërkohet rinovimi i kontratës.
Në lidhje me këtë çështje, fantazisti ka sqaruar: “Kontrata me Kotbusin më përfundon në verën e këtij viti. Të enjten, ne si ekip do të udhëtojmë drejt Qipros, aty ku do të zhvillojmë fazën përgatitore. Me drejtuesit e klubit rreth kontratës së re do të flas në Qipro. Unë jam i qetë në këtë aspekt, sepse nuk kam asnjë problem.
Ndihem mirë dhe pa dyshim do të rinovoj me Kotbusin.” Ambiciet e Skelës për të kaluar në një klub më të madh, thuajse nuk ekzistojnë. Vetë futbollisti është i ndërgjegjshëm dhe e pranon se nuk ka më kohë për një gjë të tillë.
“Që të jem i sinqertë, s’ka më kohë për një klub të madh. Nuk jam më i ri dhe besoj se edhe dy-tri vite mund të luaj. Gjithsesi, në këtë moment, për mua e rëndësishme është që të luaj gjithmonë, sepse gjërat e tjera vijnë.”
