[h1]Pacolli i kërkon përfaqësuesit të Irakut njohjen e Kosovës[/h1]
Kryetari i Aleancës Kosova e Re, Behgjet Pacolli u takua me përfaqësuesin e Këshillit suprem islamik të Irakut, Ali Al-Baldawi, ndërsa ky i fundit thuhet të jetë zotuar që me kthimin e tij në Irak do të fillojë punën rreth vendosjes së marrëdhënieve miqësore me Kosovën.
Zyra për media e AKR-së përmes një njoftimi për media bëri të ditur se në këtë takim është diskutuar rreth situatës politike në Kosovë, se çka praktikisht ka ndodhur që nga koha e përfundimit të luftës e deri në ditët e sotme.
Pacolli thuhet se ka kërkuar nga përfaqësuesi i Irakut që sa më shpejtë të bëhet njohja e shtetit të pavarur të Kosovës.
Ai poashtu tha se është në pritje të formimit të qeverisë së këtij vendi dhe se në një të ardhme shumë të afërt personalisht do të vizitojë Irakun, me kërkesën për njohjen e Kosovës nga ky shtet.
Ndërsa, Ali Al-Baldawi është zotuar se me kthimin e tij në Irak do të fillojë punën rreth vendosjes së marrëdhënieve miqësore me Kosovën.
“Unë do ta formoj një klub miqësor mes parlamentit irakian dhe atij kosovar“, u shpreh Al-Baldawi, duke cekur se pas formimit të qeverisë së re Iraku do kërkojë edhe vendosjen e marrëdhënieve diplomatike mes dy shteteve.
Partia e Al-Baldawit në Irak kishte dalë fituese pas zgjedhjeve të fundit nacionale të cilat janë mbajtur në mars të këtij viti, ndërkaq së shpejti pritet të përfundojë edhe procesi i formimit të qeverisë së re irakiane.
Der macht sehr gute Arbeit gefällt mir.