Krasniqi: Kosova bashkëndien dhimbjen e Shqipërisë
Kryetari i Kuvendit të Kosovës, Jakup Krasniqi, i ka dërguar një telegram ngushëllimi homologes së tij shqiptare, Jozefina Topalli, pas aksidentit tragjik në aksin rrugor Rrëshen-Fushë Arrëz ku humbën jetën 14 njerëz.
“Me hidhërim të thellë mësuam lajmin për aksidentin në komunikacion që ka ndodhur dje aksin rrugor Rrëshen-Fushë Arrëz, ku humbën jetën disa qytetarë dhe u lënduan disa të tjerë. Duke marrë pjesë në këtë dhembje, ju lutëm shkëlqesi, të pranoni ngushëllimet tona të sinqerta për Ju, për familjet që humbën familjarët dhe më të dashurit e tyre dhe për popullin e Republikës së Shqipërisë ndërsa të lënduarve ju urojmë shërim sa më të shpejt”, thuhet në telegram.
Më tutje, thuhet se Republika e Kosovës solidarizohet fuqishëm dhe bashkëndien dhembjen e Republikës së Shqipërisë për ngjarjen e hidhur. /Telegrafi/