Skopje bekommt einen neuen Stadtteil - Hipodrom II (Link mit Clip)
Градоначалникот на Гази Баба, Тони Трајковски, најави изградба на нова населба во општина Гази Баба-Хиподром 2.
1.Кои се најзначајните проекти кои општината ги изработи во изминатата година?
Во почетокот на оваа година направена е анализа на се она што сме го сработиле во изминатата година. Дел од проектите се самостојни на општината, дел се во соработка на Град Скопје, а дел се со помош на ресорсните министерства на Владата на Република Македонија. Како позначајни проекти би ги напоменал оние кои се во делот на инфраструктурата, комуналната и патната. Меѓу нив патниот правец Раштак-Бутел, кој беше реализиран со Агенцијата за државни патишта, патниот правец Инџиково-Јане Сандански. Потоа ја завршивме фекалната канализација од Инџиково кон реката Вардар, а оваа година ќе ја завршиме во делот од Сингилич до населеното место Стајковци. Заедно со Градот Скопје се изгради една нова водоводна мража по улицата „Перо Наков“, која што има големо значење за граѓаните на општина Гази Баба. Од минатата година општината добива напојување од две места. Голем акцент ставивме на безбедноста на сообраќајот, почнувајќи од изградба на пешачки патеки во населбите Автокоманда и Железара, работевме на уредување на паркинг просторите, а се работеше и на се она што е потребно за развивање на спортските капацитети. Доста се работеше во собирањето на комуналниот смет, па така што сите оние депонии кои се правеа особено во руралните средини повеќе не постојат. Ова претставува врвен приоритет на општина Гази Баба. По тој основ ангажиравме 50 работници кои ќе се грижат за чистотата на улиците и парковите во Гази Баба. Исто така минатата година реализиравме асфалтирање и тампонирање на повеќе улици.
2.Кои се тековни, а кои идни планови?
Континуирано како и минатата година и оваа година работиме на подобрување на уличното осветлување, како еден од приоритетите. Општина Гази Баба е навистина голема по површина, најголем дел од територијата ни е опфатена со улично осветлување, но остана уште мал дел на кој работиме. Во зимскиов период правиме подготовки за сите активности кои ќе следуваат во пролетта. Со отворање на асфалтните бази, планираме една поголема активност во делот на изградбата на улиците, на пешачките патеки, на паркинзи. Оваа година со министерството за образование отпочнува проектот за изграба на ново училиште. Во завршна фаза е изградбата на фудбалски стадион во населеното место Трубарево, тоа е заеднички проект со Агенцијата за млади и спорт. Овој период го користиме за правење анализи и подготовки, одредени активности имаме на терен колку што ни дозволува времето.
3.Каква е соработката со останатите општини и општините од странство?
Можам да кажам дека со сите општини што се и во регионот на Град Скопје и пошироко, општина Гази Баба има одлична соработка. Исто така, имаме одлична соработка кога треба да се помогне на одредена општина доколку нема соодветен кадар, согласно законот правиме договори за меѓуопштинска соработка, како што е примерот со Кисела Вода и Арачиново. Настојуваме да ја збогатиме нашата меѓународна соработка, во изминатиот период општина Гази Баба потпиша меморандум за збратимување со Велење од Република Словенија и со општина Ускудар од Истанбул, Република Турција. Потпишавме договор за отпочнување постапка за збратимување со општина Бар од Црна Гора.
4.Кои активности ги превземате за подобрување на спортскиот и културниот живот?
Гази Баба е една од најспортските општини во републикава. Оваа година заедно со Агенцијата за млади и спорт планираме да реализираме изградба на неколку тениски игралишта, во наредниот период планирано е да се изградат две мултифункционални игралишта во населените места Јурумлери и Стајковци. Со ваков несмален интензитет ќе продолжиме и во наредната година.
5.Какви услови нуди вашата општина за инвестиции?
Општина Гази Баба како порта од јужниот дел на градот Скопје е навистина едно фрекфентно место, а тоа е добар предуслов и потенцијал за да ги промовираме сите наши атрактивни локации. Изминатиов период работевме на планска документација и имаме детален урбанистички план за изградба на нова населба – Хиподром 2 и очекуваме таму да отпочнат инвестиции. Отприлика се работи за 4000 до 5000 жители. На нашата територија се наоѓа и Скопскиот Саем, таму е донесен деталниот урбанистички план и очекуваме набрзо да најде инвеститор. Сметам дека една е од најатрактивните локации во Скопје е токму Скопскиот Саем
))))) nur bis jetzt unbebaut
