Albtelecom sh.a, 3.2 milionë dollarë më shumë fitim
Drejtori i Përgjithshëm i Albtelecom, Ilirian Kuka, u shpreh dje gjatë një konference për shtyp se fitimi bruto i shoqërisë Albtelecom sh.a për periudhën janar-qershor është realizuar në masën 146.3 për qind kundrejt programit, me një tejkalim prej 3.2 milion dollarësh. Sipas tij, shpenzimet për këtë 6-mujor janë shkurtuar në masën 18.6 për qind, kundrejt programit. "Në 6-mujorin e parë të vitit janë realizuar mbi 10 mijë lidhje të reja ose 26.7 për qind më tepër se plani dhe 80 për qind më tepër se në të njëjtën periudhë të vitit 2005", tha drejtori Kuka. Ai u shpreh se të ardhurat nga shërbimi internet krahasuar me të njëjtën periudhë të vitit 2005 janë 219 për qind më të larta, ndërsa të ardhurat nga instalimet telefonike janë 2.7 për qind më të larta. "Janë arkëtuar rreth 30 milionë dollarë detyrime të prapambetura për vitit 2002-05", tha Kuka. Sipas tij, "rritja e fitimit dhe arritjet e mësipërme janë edhe më sinjifikante po të konsiderohen dy faktorë të rëndësishëm, si ulja e çmimeve në muajt e ardhshëm dhe fakti që tani Albtelecom po operon në një treg të liberalizuar dhe për shërbime të ngjashme i duhet të konkurojë me operatorë të tjerë të telekomunikacioneve". Kuka tha se për herë të parë arkëtimi i debitorëve kombëtar në qytetet kryesore të vendit për periudhën janar-qershor është rreth 96 për qind ose rreth 18 milionë dollarë. Ndërkohë që kjo kompani është përfolur në media, shpesh kohët e fundit, përveç të tjerave edhe për çmimet e larta që u ofron abonentëve. Vetëm para pak ditësh Kryeministri Sali Berisha ka kërkuar nga Albtelecom të ulë përqindjen e fitimit nga përdorimi i internetit në lidhjen telefonike. Në takimin e zhvilluar me operatorët privatë të telekomunikacioneve, kreu i Qeverisë tha se çmimet e komunikimit masiv mbeten ende një luks për qytetarët. Për këtë, Berisha i kërkoi Bordit Drejtues të Albtelecom-it të ulë çmimet për telefoninë fikse dhe kompania shtetërore të fitojë vetëm 1 për qind nga përdorimi i internetit. “Është e pamundur që një familje shqiptare të paguajë internetin për fëmijët e saj, duke ditur se vlen sa gjysma e rrogës. Duhet patjetër një liberalizim tregu, që të mund të hyjnë teknologji të reja për një çmim real”, është shprehur Berisha. Grupet e punës, të ngritura pranë ministrive përkatëse, kanë kërkuar ndryshimin e ligjit aktual të vitit 2000, me një liberalizim të plotë të tregut të komunikimit elektronik. Sipas tyre, ligji aktual nuk lë hapësira për të patur një treg normal të komunikimit elektronik. Grupe pune nga Ministria e Transporteve, Ekonomisë dhe nga Enti Rregullator kanë arritur në përfundimin se ligji duhet të ndryshohet, për t’i hapur rrugën liberalizimit të plotë. Propozimet e specialistëve janë për një bazë ligjore krejt të re, ku për të fituar një liçencë nuk duhet të ketë kushte. Ligji aktual mbetet absurd edhe për faktin se nuk lejon futjen e teknologjive të reja.
http://www.ballkan.com/index.php?page=shownews&newsID=39256
Die albanische Telekom verzeichnete 3,2 Millionen Dollar Umsatz.
Drejtori i Përgjithshëm i Albtelecom, Ilirian Kuka, u shpreh dje gjatë një konference për shtyp se fitimi bruto i shoqërisë Albtelecom sh.a për periudhën janar-qershor është realizuar në masën 146.3 për qind kundrejt programit, me një tejkalim prej 3.2 milion dollarësh. Sipas tij, shpenzimet për këtë 6-mujor janë shkurtuar në masën 18.6 për qind, kundrejt programit. "Në 6-mujorin e parë të vitit janë realizuar mbi 10 mijë lidhje të reja ose 26.7 për qind më tepër se plani dhe 80 për qind më tepër se në të njëjtën periudhë të vitit 2005", tha drejtori Kuka. Ai u shpreh se të ardhurat nga shërbimi internet krahasuar me të njëjtën periudhë të vitit 2005 janë 219 për qind më të larta, ndërsa të ardhurat nga instalimet telefonike janë 2.7 për qind më të larta. "Janë arkëtuar rreth 30 milionë dollarë detyrime të prapambetura për vitit 2002-05", tha Kuka. Sipas tij, "rritja e fitimit dhe arritjet e mësipërme janë edhe më sinjifikante po të konsiderohen dy faktorë të rëndësishëm, si ulja e çmimeve në muajt e ardhshëm dhe fakti që tani Albtelecom po operon në një treg të liberalizuar dhe për shërbime të ngjashme i duhet të konkurojë me operatorë të tjerë të telekomunikacioneve". Kuka tha se për herë të parë arkëtimi i debitorëve kombëtar në qytetet kryesore të vendit për periudhën janar-qershor është rreth 96 për qind ose rreth 18 milionë dollarë. Ndërkohë që kjo kompani është përfolur në media, shpesh kohët e fundit, përveç të tjerave edhe për çmimet e larta që u ofron abonentëve. Vetëm para pak ditësh Kryeministri Sali Berisha ka kërkuar nga Albtelecom të ulë përqindjen e fitimit nga përdorimi i internetit në lidhjen telefonike. Në takimin e zhvilluar me operatorët privatë të telekomunikacioneve, kreu i Qeverisë tha se çmimet e komunikimit masiv mbeten ende një luks për qytetarët. Për këtë, Berisha i kërkoi Bordit Drejtues të Albtelecom-it të ulë çmimet për telefoninë fikse dhe kompania shtetërore të fitojë vetëm 1 për qind nga përdorimi i internetit. “Është e pamundur që një familje shqiptare të paguajë internetin për fëmijët e saj, duke ditur se vlen sa gjysma e rrogës. Duhet patjetër një liberalizim tregu, që të mund të hyjnë teknologji të reja për një çmim real”, është shprehur Berisha. Grupet e punës, të ngritura pranë ministrive përkatëse, kanë kërkuar ndryshimin e ligjit aktual të vitit 2000, me një liberalizim të plotë të tregut të komunikimit elektronik. Sipas tyre, ligji aktual nuk lë hapësira për të patur një treg normal të komunikimit elektronik. Grupe pune nga Ministria e Transporteve, Ekonomisë dhe nga Enti Rregullator kanë arritur në përfundimin se ligji duhet të ndryshohet, për t’i hapur rrugën liberalizimit të plotë. Propozimet e specialistëve janë për një bazë ligjore krejt të re, ku për të fituar një liçencë nuk duhet të ketë kushte. Ligji aktual mbetet absurd edhe për faktin se nuk lejon futjen e teknologjive të reja.
http://www.ballkan.com/index.php?page=shownews&newsID=39256
Die albanische Telekom verzeichnete 3,2 Millionen Dollar Umsatz.
