Priten njohje të reja për Kosovën nga vende të Amerikës Jugore Nesër e pasnesër në Honduras mbahet takimi i Asamblesë së Përgjithshme të Organizatës së Shteteve Amerikane, ku një grup shtetesh të Amerikës Jugore mund të deklarojnë njohjen për pavarësinë e Kosovës. Këtë e ka paralajmëruar vetë ministri i Jashtëm serb, Vuk Jeremiq, i cili ka fajësuar Uashingtonin dhe Londrën se po bëjnë presion te shtetet e Amerikës Jugore që ta njohin Kosovën. Në konferencë do të marrë pjesë edhe Sekretarja amerikane e Shtetit, Hillari Klinton. Pas Konferencës së Organizatës së shteteve islamike në Damask të Sirisë, beteja diplomatike rreth njohjeve të reja për pavarësinë e Kosovës është zhvendosur në kontinentin e Amerikës Jugore. Nesër dhe pasnesër në San Pedro Sula të Hondurasit, mbahet takimi i Asamblesë së Përgjithshme të Organizatës së Shteteve Amerikane.
Mundësinë e njohjeve të reja për shtetin e Kosovës e kanë theksuar edhe zyrtarët më të lartë të vendit tonë, presidenti, Fatmir Sejdiu dhe kryeministri Hashim Thaçi, ndërkohë që edhe ministri i punëve të jashtme të Kosovës Skënder Hyseni ka marrë zotimet e disa shteteve anëtare të OKB-së, se shumë shpejt do ta njohin Kosovën.
Ndërsa Ministria e Punëve të jashtme të Serbisë është alarmuar se gjatë takimit të Asamblesë së Përgjithshme të Organizatës së Shteteve Amerikane një grup shtetesh latino-amerikane mund të marrin vendim për njohje të Kosovës, si rezultat i lobimit të Shteteve të Bashkuara të Amerikës, e cila është një nga anëtaret e Organizatës së Shteteve Amerikane.
Delegacioni amerikan në Honduras udhëhiqet nga Sekretarja amerikane e Shtetit, Hillary Clinton.
Në Konferencën e Hondurasit dhjetëra shtete mund të bëjnë të ditur se do ta pranojnë Kosovën.
Këtë e ka paralajmëruar vetë ministri i Jashtëm serb, Vuk Jeremiq, i cili ka fajësuar Shtetet e Bashkuara të Amerikës dhe Britaninë e Madhe se po bëjnë presion te shtetet e Amerikës Jugore që ta njohin Kosovën.
Pjesëmarrjen në këtë konferencë e ka paralajmëruar edhe lideri i AKR-së, Bexhet Pacolli, i cili ka premtuar se më 2 qershor Kosova do të njihet nga El Salvadori.
Nga gjithsej 35 shtete anëtare të Asamblesë së Shteteve Amerikane, pavarësinë e Kosovës deri më tash e kanë njohur SHBA, Kanadaja, Kosta Rika, Peru, Belize, Kolumbia, dhe Panamaja.
http://rtklive.com/?newsId=36434