B
Bloody
Guest
Meta në Londër: Shqipëria, vendi i mundësive të mëdha
Zv/kryeministri dhe ministri i Ekonomisë, Tregtisë dhe Energjetikës, Ilir Meta mori pjesë në sesionin e dytë të Forumit të Investimeve Mbretëri e Bashkuar-Shqipëri, i cili u zhvillua në Londër. Meta kryesonte delegacionin e Shqipërisë në këtë Forum, në përbërje të së cilit është dhe një grup biznesmenësh shqiptarë që përfaqësojnë rreth 50 kompani të vendit tonë.
Në fjalën e tij, Meta theksoi faktin se ka një interes të veçantë të investitorëve britanikë në Shqipëri dhe u shpreh se klima e biznesit në vendin tonë është atraktive falë reformave që ka ndërmarrë qeveria shqiptare.
“Vetëm në pak vite Shqipëria ka transformuar dhe modernizuar infrastrukturën rrugore nga Veriu në Jug. Vitin e kaluar, ne inauguruam një nga autostradat më të rëndësishme në rajonin e Ballkanit (Durrës-Kukës), e cila nuk do të shërbejë vetëm për të lidhur më shpejt dhe lehtë Shqipërinë me Kosovën, por më e rëndësishmja për të aktivizuar shkëmbimet ekonomike, duke e kthyer Portin e Durrësit në një port të mundshëm rajonal për tregti dhe transportin e mallrave në drejtim të Evropës Perëndimore dhe anasjelltas.” tha gjatë fjalës së tij z. Meta.
Më tej zv.Kryeministri bëri një panoramë të mundësive që ofron Shqipëria për investime në fushën e energjisë së rinovueshme dhe mundësinë e pafund të shfrytëzimit të mineraleve në vendin tonë.
“Unë do të doja ta mbyll fjalën time duke iu drejtuar një apel miqësor, në veçanti për investitorët britanikë, të mendojnë seriozisht për të investuar në Shqipëri, në këtë vend të vogël ku potenciali i tij energjik në energjinë e ripërtëritshme, mundësitë e jashtëzakonshme të saj të turizmit, pasurimin e saj të burimeve natyrore dhe minerale, barrën më të ulët të saj fiskale në kontinent, dhe punës të aftë të të rinjve - të gjitha këto, - unë besoj se krijojnë një natyre të veçantë të tregut të biznesit e gatshme për t'u eksploruar nga secili nga ju”, përfundoi ekspozenë e tij Meta.
Në Forumin e Investimeve Mbretëri e Bashkuar-Shqipëri morën pjesë anëtarë të kabinetit të qeverive të të dy vendeve, ndërsa të ftuar ishin personalitete të huaj të politikës, të botës së biznesit ndërkombëtar, të institucioneve ndërkombëtare financiare, etj. Gjithashtu në takim kishte përfaqësues të rreth 100 kompanive të huaja të interesuara për investime në fusha të ndryshme të ekonomisë në vendin tonë.
Gjatë zhvillimit të Forumit të Investimeve Mbretëri e Bashkuar-Shqipëri, Zv. Kryeministri Meta pati një bisedë me Zv. Presidentin e BERZH-it, Bankës Europiane për Rindërtim dhe Zhvillim, Jan Fisher. Fisher shprehu vlerësimet për performancën e ekonomisë shqiptare dhe mbështetjen e BERZH për investimet në Shqipëri.
Gazeta Start: Meta në Londër: Shqipëria, vendi i mundësive të mëdha
Zv/kryeministri dhe ministri i Ekonomisë, Tregtisë dhe Energjetikës, Ilir Meta mori pjesë në sesionin e dytë të Forumit të Investimeve Mbretëri e Bashkuar-Shqipëri, i cili u zhvillua në Londër. Meta kryesonte delegacionin e Shqipërisë në këtë Forum, në përbërje të së cilit është dhe një grup biznesmenësh shqiptarë që përfaqësojnë rreth 50 kompani të vendit tonë.
Në fjalën e tij, Meta theksoi faktin se ka një interes të veçantë të investitorëve britanikë në Shqipëri dhe u shpreh se klima e biznesit në vendin tonë është atraktive falë reformave që ka ndërmarrë qeveria shqiptare.
“Vetëm në pak vite Shqipëria ka transformuar dhe modernizuar infrastrukturën rrugore nga Veriu në Jug. Vitin e kaluar, ne inauguruam një nga autostradat më të rëndësishme në rajonin e Ballkanit (Durrës-Kukës), e cila nuk do të shërbejë vetëm për të lidhur më shpejt dhe lehtë Shqipërinë me Kosovën, por më e rëndësishmja për të aktivizuar shkëmbimet ekonomike, duke e kthyer Portin e Durrësit në një port të mundshëm rajonal për tregti dhe transportin e mallrave në drejtim të Evropës Perëndimore dhe anasjelltas.” tha gjatë fjalës së tij z. Meta.
Më tej zv.Kryeministri bëri një panoramë të mundësive që ofron Shqipëria për investime në fushën e energjisë së rinovueshme dhe mundësinë e pafund të shfrytëzimit të mineraleve në vendin tonë.
“Unë do të doja ta mbyll fjalën time duke iu drejtuar një apel miqësor, në veçanti për investitorët britanikë, të mendojnë seriozisht për të investuar në Shqipëri, në këtë vend të vogël ku potenciali i tij energjik në energjinë e ripërtëritshme, mundësitë e jashtëzakonshme të saj të turizmit, pasurimin e saj të burimeve natyrore dhe minerale, barrën më të ulët të saj fiskale në kontinent, dhe punës të aftë të të rinjve - të gjitha këto, - unë besoj se krijojnë një natyre të veçantë të tregut të biznesit e gatshme për t'u eksploruar nga secili nga ju”, përfundoi ekspozenë e tij Meta.
Në Forumin e Investimeve Mbretëri e Bashkuar-Shqipëri morën pjesë anëtarë të kabinetit të qeverive të të dy vendeve, ndërsa të ftuar ishin personalitete të huaj të politikës, të botës së biznesit ndërkombëtar, të institucioneve ndërkombëtare financiare, etj. Gjithashtu në takim kishte përfaqësues të rreth 100 kompanive të huaja të interesuara për investime në fusha të ndryshme të ekonomisë në vendin tonë.
Gjatë zhvillimit të Forumit të Investimeve Mbretëri e Bashkuar-Shqipëri, Zv. Kryeministri Meta pati një bisedë me Zv. Presidentin e BERZH-it, Bankës Europiane për Rindërtim dhe Zhvillim, Jan Fisher. Fisher shprehu vlerësimet për performancën e ekonomisë shqiptare dhe mbështetjen e BERZH për investimet në Shqipëri.
Gazeta Start: Meta në Londër: Shqipëria, vendi i mundësive të mëdha
