Basha falenderon Arabinë Saudite dhe Malajzinë për njohjen e Kosovës
Ministri shqiptar i Punëve të Jashtme Lulzim Basha, gjatë një një takimi me Ambasadorin e Mbretërisë së Arabisë Saudite në Tiranë, ka shprehur mirënjohjen e thellë të popullit shqiptar për Mbretin dhe popullin saudit për vendimin e marrë për njohjen e Republikës së Kosovës si shtet sovran e i pavarur.
"Ky akt u vlerësua si një dëshmi e qartë e miqësisë dhe marrëdhënieve të shkëlqyera që ekzistojnë ndërmjet dy popujve dhe vendeve tona, i cili u përjetua me mjaft entuziazëm, si në Kosovë ashtu edhe në Shqipëri", theksoi Basha. Ministri Basha gjatë një takimi me Ambasadorin e Malajzisë në Shqipëri, Ramli Bin NAAM në mënyrë të veçantë falënderoi për mbështetjen që Malajzia i ka dhënë Kosovës deri në njohjen e saj si shtet i pavarur duke kontribuar në paqen dhe stabilitetin e rajonit.
RTK