[TD="class: font7, width: 100%"]5-vjetori i Shqipërisë në NATO, Rama: Të gatshëm të paguajmë çmimin e lirisë[/TD]
[TD="width: 100%"]
[/TD]
[TD="class: fontsott"][/TD]
[TD="class: font16, width: 100%"]
TIRANË-
Në Ministrinë e Mbrojtjes po zhvillohet një ceremoni me rastin e 5-vjetorit të pranimit të Shqipërisë në NATO.
Gjatë fjalës së tij në ceremoninë e organizuar me këtë rast, kryeministri Edi Rama ndau bindjen e përbashkët, sikurse presidenti amerikan Obama, se liria nuk mund të sigurohet falas. Shefi i qeverisë shqiptare tha se Shqipëria është e gatshme të paguajë çmimin e lirisë.
“Obama tha pak ditë më parë se situata në Ukrainë na kujton se liria nuk është falas. Të gjithë duhet të jemi të gatshëm të paguajmë çmimin e lirisë sonë në çdo përmasë. Lirinë nuk mund ta kemi falas. Pjesëmarrja në këtë aleancë e bën barrën tonë më të lehtë, çmimin e lirisë sonë shumë më të merituar. Në këtë përvjetor të anëtarësimit tonë në NATO, gjaku i dëshmorit tonë kapiten Feti Voglit dhe gjaku i shumë djemve dhe vajzave në gjirin e forcave aleate në frontet ku kjo aleancë lufton për lirinë dhe sigurinë janë dëshmia më kuptimplotë e çmimit të lirisë, por dhe prova më e padiskutueshme e forcës së besëlidhjes sonë të madhe euroatlantike.”- u shpreh Rama.
Sipas Ramës, “zhvillimet e fundit në Ukrainë shërbyen edhe njëherë tjetër për ta sjellë para syve tanë rëndësinë e jashtëzakonshme të vlerave dhe parimeve të botës së cilës i kemi dhënë përkatësinë dhe padyshim çështjen e sigurisë si një çështje që është çdo ditë në rëndinë e ditës, sado e sigurt të duket bota nga ashpërsia ku ne jetojmë. Turbullirat në një vend si Ukraina, shkëputja e Krimesë, ndryshimi arbitrar i kufijve shtetërore, demonstrojnë domethënien e madhe të nevojës për siguri. Ukraina është një tjetër provë me e freskëtave dhe më e dhimbshmja e ditëve tona.”
Sipas kryeministrit, përpos përparësive të shumta të anëtarësimit të Shqipërisë në NATO, prania e vendit në aleancë shoqërohet edhe me përgjegjësi madhore.
“Me hyrjen në NATO Shqipëria ka garantuar angazhimin e saj dhe të aleatëve të saj për të mbrojtur edhe ushtarakisht integritetin dhe pavarësinë e saj. Dhe për mbrojtjen e integritetit dhe pavarësisë të çdo vendi aleat me të dhe për mbrojtjen e paqes lirive dhe te drejtave kudo ku kjo aleancë e sheh të nevojshme.”- vijoi Rama.
Kryeministri Rama shprehu mirënjohje për ata që mundësuan këtë arritje historike për vendin.
“Përvjetori i pestë i anëtarësimit të Shqipërisë në NATO rasti më i mirë për të shprehur mirënjohje në radhë të parë për popullin shqiptar që mbështeti në mënyrë plebishitare projektin euroatlantik të vendit. Falënderimi ndaj SHBA është e pashmangshme në ditë si kjo.”- u shpreh kryeministri Rama.
KODHELI: LARTËSOJMË ROLIN TONË
Në fjalën e saj ministrja e Mbrojtjes Kodheli kujtoi angazhimet e para të Shqipërisë përkrah vendeve të NATO-s, deri në anëtarësimin e plotë të saj, me qëllim vendosjen e paqes dhe sigurisë globale. Ministrja u shpreh krenare për ndërhyrjen e NATO në Kosovë dhe ndihmën që dha Shqipëria.
Sipas Kodhelit, Forcat e Armatosura janë të vendosura ta lartësojnë rolin e Shqipërisë në këtë bashkësi të madhe, mes miqsh që kanë lidhur besën me njëri-tjetrin.
“Falënderoj veteranët tonë në misionet e para në Bosnje, Afganistan, Cad e Irak. Sot pas dy dekadash FA tona janë të angazhuara për paqe dhe integritet dhe sigurinë globale. Festimi i kësaj dite do mbetet si ngjarja që na bashkoi me vlerat dhe parimet e demokracisë dhe progresit, NATO shihet si lidhje bese mes miqsh të nderuar të vendosur të mbrojnë njeri-tjetrin. Ne jemi të vendosur të qëndrojmë me këtë aleancë, të zbatojmë me vendosmëri reformat e nevojshme”, tha Kodheli.
Kodheli më tej u shpreh se, “Jemi të vendosur t’i rikthejmë dinjitetin e munguar Forcave të Armatosura, të eliminojmë praktikat korruptuese dhe zhvlerësuese”, tha ajo.
SHQIPËRIA 5 VJET NË NATO
Pesë vjet më parë Shqipëria u bë anëtare e aleancës ushtarake të NATO-s. Më 1 prill 2009 Shqipëria, së bashku me Kroacinë, u bënë vendet e 27-të dhe 28-të të organizatës më të fuqishme ushtarake në botë. Anëtarësimi i Shqipërisë u konsiderua shumë i rëndësishëm për stabilitetin në Ballkan, ndërsa shënoi dhe një arritje historike në përpjekjet e vendit për liri dhe siguri.
Anëtarësimi u konsiderua një ngjarje historike për Shqipërinë, pasi shënoi fundin e një rruge të gjatë të izolimit afro 50 vjeçar të regjimit komunist dhe për të konsoliduar një shtet demokratik në dy dekadat e fundit.
Shqipëria tashmë nga një vend që kishte nevojë për siguri është shndërruar në një vend që prodhon siguri. Sot, pesë vjet më pas Shqipëria realizoi një ndër arritjet më të mëdha që prej themelimit të shtetit shqiptar, duke zgjidhur përfundimisht problemin themelor, atë të sigurisë.
(ma.ar/er.nu/BalkanWeb)
[/TD]
.
.