[h=1]Nga vjedhja e një biçiklete përfundoj me një të vdekur e shumë dëmtime ndaj shqiptarëve[/h]Bota Sot | 22.05.2014 10:21 •
Hava Orana
Share on facebook Share on twitter Share on email Share on print More Sharing Services
Vrasjet e trazirat në Maqedoni, e në veqanti në Shkup nuk po kanë të ndalur. Maqedonasit në çdo formë po mundohen të kërcënojnë e të largojnë shqiptarët nga vendlindja e vet. Mjaftoj vrasje e një maturanti maqedonas, dhe ‘zullumi’ i këtyre të fundit ndaj shqiptarëve nuk u ndal.
E tëra duket se filloj me një vjedhje të një biçiklete, e përfundoj me një vrasje, 27 të arrestuar e shumë dëme ndaj lokaleve shqiptare.
Analisti shqiptar nga Maqedonia, Mersel Bilalli thotë se ky problem ka qenë banal me një vjedhje biçiklete, por sipas tij nuk është dashur të marrë këtë dimension, por kur Gruevski ‘i fryen’ nacionalizmit, e tëra shkon në këtë mënyrë. Sipas tij, është shumë ë dhimbshme vrasja e një të riu, por që nuk është dashur të merrte këtë dimension dhe të dëmtoheshin aq shumë shqiptarët.
“Problemi ka qenë me gjasa banal -vjedhja e një biçiklete, por në situatën kur Gruevski i fryen nacionalizmit, e gjithë kjo merr dimension kolektiv. Pa dilemë se çdokush shpreh keqardhje për shuarjen e jetës së një të riu, por kjo nuk arsyeton thyerjen dhe djegien e pronave, lokaleve afariste shqiptare në këtë lagje të Shkupit”, thotë Bilalli për ‘Bota sot’.
Sipas tij, kësaj po i ndihmojnë edhe mediat që njëanshëm e trajtojnë problemin.
“Kësaj i kontribuojnë dhe disa mediume që janë nën kontroll të premierit, të cilat njëanshëm e trajtojnë problemin. Faktori shqiptar vazhdon të jetë inferior dhe kjo inkurajon autorët e incidenteve”, thekson ai.
- - - Aktualisiert - - -
[h=1]OSBE komenton për ngjarjet në Shkup[/h]Bota Sot | 21.05.2014 20:54
Share on facebook Share on twitter Share on email Share on print More Sharing Services
Misioni në Shkup i Organizatës për Siguri dhe Bashkëpunim në Evropë (OSBE) shprehu keqardhje të thellë për humbjen tragjike të një maqedonasi të ri në Shkup të hënën, ndërkohë që theksoi se po i vëzhgon me shqetësim të madh zhvillimet në lagjen Gjorçe Petrov, ku për dy net rresht ka patur trazira.
Ambasadori i OSBE-së Ralf Breth, tha se duhen lejuar autoritetet që të bëjnë hetimet e këtij krimi dhe procesi hetimor dhe ligjor të zhvillohet pa pengesa. “Solidariteti me familjen e viktimës duhet të mbizotërojë dhe jo protestat e dhunshme dhe dëmtimi i pronave”, tha ambasadori, duke shtuar se “nuk duhet të ketë përgjegjësi kolektive nga asnjë komunitet për veprat e një individi.”
I riu maqedonas Angel Petkovski u vra me thikë nga moshatari i tij shqiptar Naser Eshtrefi pasi ky i fundit, sipas policisë, ishte përpjekur t’i vidhte viktimës biçikletën. Por avokati i të dyshuarit për vrasjen, i ka thënë shtypit në Shkup, se klienti i tij e kishte kryer veprën në vetëmbrojtje dhe se thika me të cilën u godit Angeli, i përkiste atij (viktimës).
Organet e rendit kanë arrestuar dyzet e dy persona të përfshirë në ngjarjet e dhunshme. Gjatë përleshjeve të mbrëmshme të protestuesve maqedonas me policinë pati disa policë të lënduar lehtë.
Dëmet e shkaktuara ndaj pronave të shqiptarëve në këtë lagje janë të konsiderueshme. Ngjarje të tilla kanë ndikim negativ në marrëdhëniet e brishta ndëretnike në Maqedoni.
