Wirtschaft Albaniens - Ekonomia e Shqipërisë - Economy of Albania

[Bloody]

Equadrat hilft beim Ausbau der Wasserkraft


Das Umwelt-Engineering-Unternehmen Equadrat verstärkt seine Aktivitäten in Albanien. Dort steht ein massiver Ausbau der Wasserkraft unmittelbar bevor.


Unternehmen Equadrat Group baut seine Aktivitäten im Ausland aus: In der albanischen Hauptstadt Tirana wurde eine Niederlassung gegründet, die das Potenzial zur Beratung und Umsetzung beim Ausbau der albanischen Energieversorgung abschöpfen soll.

"Derzeit machen wir in Albanien das Engineering für ein 30-MW-Wasserkraftwerk, außerdem betreuen wir den Bau eines 8, 6-MW-Kraftwerks", freut sich Equadrat-Chef Bernhard Hammer. Er erwartet vom Einstieg in Albanien eine deutliche Steigerung des Geschäfts: "Derzeit wird in dem Land nur ein Drittel des Wasserkraftpotenzials genutzt, dieser Bereich soll in den nächsten Jahren massiv ausgebaut werden."

Wachstum bei Energie

Equadrat will bis 2015 den Kompetenzbereich Erneuerbare Energien ausbauen. Neben Wasserkraft bringen die Steirer auch Engineering-Leistungen für Biomasse- oder Solaranlagen. Derzeit macht der Anteil dieses Bereichs am Gesamtumsatz von zuletzt fünf Millionen€ rund 20 Prozent aus. Je 40 Prozent kommen aus dem Geschäftsfeld Wasserver- und -entsorgung sowie dem ursprünglichen Tätigkeitsbereich von Equadrat, der Gebäudetechnik. Das Unternehmen mit Hauptsitz in Seiersberg beschäftigt 60 Mitarbeiter, durch den Ausbau der Wasserkraftsparte sollen nächstes Jahr rund zehn Mitarbeiter dazu kommen. 60 Prozent des Geschäfts werden in Österreich erzielt, der Rest in Polen, Rumänien, Bulgarien, Albanien und der Türkei.




Equadrat hilft beim Ausbau der Wasserkraft

 

[Bloody]

Aksident tragjik në Krujë, vdesin tre fëmijë


Një aksident i rëndë tragjikë ndodhi gjatë orëve të natës në afërsi të fshatit Borizanë të Krujës. Për pasojë, tre fëmijë të një familjeje kanë humbur jetën, kur dy makina u përplasën fort midis tyre, duke shkaktuar ngjarjen e rëndë.

Fëmijët po udhëtonin së bashku me babanë e tyre në një makinë teksa janë përfshirë në një aksident. Viktimat janë Viola Kola 6 vjeç, Griselda Kola 12 vjel dhe Gerald Kola 9 vjeç, kurse babai i tyre Anton Kola, rreth 40 vjeç, ndodhet në gjendje tepër të rëndë në spital ushtarak në Tiranë. Familja po kthehej nga një darkë ku kanë festuar festën e Krishtlindjeve në fshatin Borizanë.

Policia shkoi menjëherë në vendin e ngjarjes, ndërkohë që nuk dihet ende nëse personi i automjetit tjetër ka pësuar lëndime nga përplasja. Ai është dërguar në komisariatin e policisë për të dhënë shpjegime për ngjarjen.



Gazeta Start: Aksident tragjik në Krujë, vdesin tre fëmijë

R.I.P

 

[Bloody]

Vazhdon solidarizimi i Kosovës me banorët e Shkodrës


Republika e Kosovës vazhdon solidarizimin me banorët e prekur nga përmbytjet në zonën e Shkodrës me dërgimin e një kontingjenti tjetër ndihmash. Shoqata e Prodhuesve të Qumështit në Kosovë ka dërguar në bazën e Gjadrit 40 ton ndihma bazë ushqimore për bagëtitë, konkretisht 30 ton barë të thatë, si dhe 10 ton koncentrat.

Përfaqësuesi i kësaj shoqate, Behlul Behluli, deklaron se këto ndihma janë një detyrim i qytetarëve dhe bizneseve të Kosovës ndaj popullit shqiptar. Ai premton se ky është vetëm fillimi i kësaj ndihme të rëndësishme për banorët e prekur nga përmbytjet në zonën e Shkodrës.

Kontingjenti i ndihmave të mbërritura nga Republika e Kosovës ka për destinacion zonën e Dajcit dhe të Bërdicës.



Gazeta Start: Vazhdon solidarizimi i Kosovës me banorët e Shkodrës

 

[Bloody]

Komuna e Ferizajt dërgon ndihma në Shkodër


Komuna e Ferizajt në Kosovë solli sot në Shkodër tre kamionë me ndihma ushqimore, veshmbathje dhe bazë ushqimore për blegtorinë. Ndihmat u dorëzuan pranë depove të rezervave të shtetit. Ndihma u shoqëruan edhe nga kryetari i komunës së Ferizajt, Bajrush Xhemajli, i cili ka zhvilluar një takim në mjediset e shtabit të emergjencës.

Prefekti i Shkodrës Mexhit Cungu, tha se "komuna e Ferizajt është tashmë mjaft e pranishme në qytetin e Shkodrës, kjo edhe falë një binjakëzimi që ajo ka vendosur me bashkinë e Shkodrës, ndërkohë që sot ka sjellë ndihma të konsiderueshme, sidomos për blegtorinë".

Ndërsa, kreu i komunës së Ferizajt, Bajrush Xhemajli, tha se "krahas ndihmave që kemi sjellë sot, për të qënë sa më konkret në mbështetjen ndaj komunitetit të Shkodrës, në përbërje të grupit tonë janë edhe 6 drejtorë të sektorëve të ndryshëm për të parë nga afër situatën, dhe për të marrë informacionin se ku janë nevojat më të mëdha, në mënyrë që ditët e ardhshme të vijmë edhe me ndihma të tjera".

Kryekomunari i Ferizajt theksoi se Kosova i ka borxh Shkodrës, por edhe Shqipërisë, t’i gjendet pranë për këtë fatkeqësi natyrore, pasi edhe kosovarët kanë gjetur ndihmë dhe mbështetje në Shkodër dhe Shqipëri në ditët e vështira që kaluan në vitet e kaluara.




Gazeta Start: Komuna e Ferizajt dërgon ndihma në Shkodër

 

[Bloody]

Shkodër, uji tërhiqet nga qindra ha tokë



Pavarësisht reshjeve të ditëve të fundit, situata në Shkodër po shkon drejt përmirësimit. Një ditë më parë pati reshje të dendura shiu në shumë zona, duke sjellë prurje të mëdha në lumin Drin si dhe duke fryrë liqenin e Shkodrës.

Por, sot vihet re një përmirësim i situatës. Burime nga Shtabi i Emergjencës në Shkodër, thonë se deri më tani përfaqja nën ujë është në 5 170 ha nga 5820 që ishte ditën e djeshme. Kjo tregon se uji po tërhiqet me shpejtësi, duke çliruar tokat.

Komuna e Dajçit, ku gjendja është më e rënduar, sipërfaqja e tokës së përmbytur është 1900 hektarë nga 2000 hektarë që ishte dje. Përmirësime të ndjeshme ka edhe në komunat e tjera të zonës së Nënshkodrës, në komunën Rrethina, si dhe lagjet periferike të qytetit.

Në tërheqjen e ujërave ka ndikuar edhe ulja e shkarkimeve nga hidrocentrali i Vaut të Dejës, ku nga 830 metër kub për sekondë që ishte dje, sot shkarkimet janë ulur në 680 metër kub për sekondë, duke ndikuar drejtpërdrejt në një ulje prej 17 centimetrash të nivelit të ujit në shtratin e lumit Drin.




Gazeta Start: Shkodër, uji tërhiqet nga qindra ha tokë

 

[Bloody]

Gjirokastër, sekuestrohen 70 kg drogë, pranga të riut



Rreth 70 kilogramë drogë e llojit mariuanë është sekuestruar sot nga policia e Gjirokastrës. Mësohet se droga u sekuestrua në afërsi të kufirit me Greqinë, ku po tentohej të kalohej për t’u trafikuar atje.

Policia ka arrestuar shtetasin Adil Peshku, 24-vjeç nga Librazhdi. Policia sqaroi se droga po transportohej edhe nga dy persona të tjerë, të cilët kanë mundur t’i shpëtojnë forcave të policisë.

“Nga këqyrja që iu bë çantave rezultoi se në tre çantat kishte 60 pako me peshë të ndryshme, të mbështjella me letër natriban ku brenda tyre ndodhej lëndë narkotike e dyshuar si Mariuanë, gjithsej rreth 70 kilogramë. Lënda narkotike u sekuestrua në cilësinë e provës materiale", informon policia e Gjirokastrës.


Po zhvillohen më tej hetime për të zbuluar prejardhjen dhe destinacionin e lëndës narkotike.


Gazeta Start: Gjirokastër, sekuestrohen 70 kg drogë, pranga të riut
​

 

[Bloody]

CNN: Shqipëria, ndër destinacionet kryesore turistike në 2011


Ku do ta gjeni veten në Tokë gjatë vitit 2011? Koha për të planifikuar udhëtimin është tani, teksa viti i ri sjell dëshirën e zjarrtë zakonore për një fillim të ri dhe premtimin për njerëz dhe vende të reja.
Për përcaktimin e itinerarit tuaj, CNN jep rekomandimet e tre ekspertëve të udhëtimit; Robert Ried, editor udhëtimesh për “Lonely Planet”; Pauline Frommer krijuesi i guidave “Pauline Frommer's guidebooks”; dhe Martin Rapp, zëvendëspresident i shitjeve për kohën e lirë në “Altor”.

“Renditja e Shqipërisë në vendin e parë të 10 destinacioneve kryesore turistike të vitit 2011 sipas listës së ‘Lonely Planet’ mund të jetë surprizë për shumë persona, -shkruan CNN tek citon Robert Riedin-, por Shqipëria i jep turistëve një shije të Mesdheut pa zhurma dhe çmime të shtrenjta”.

Destinacioni i vërtetë në rritje është Gjirokastra, qendra historike e së cilës është në vendet e Trashëgimisë Botërore të UNESCO-s.

“Gjirokastra është qytet me kalldrëme dhe me pallate të kohës Osmane”, theksoi Reid duke shtuar se “është një vend me atmosferë që ka shumë histori”.

Me plazhet piktoreske, ushqimet e shijshme dhe më një numër vendesh të trashëgimnisë kulturore, Shqipëria nuk do të jetë jashtë udhëve më të rrahura për një kohë të gjatë, thotë “Lonely Planet” në intervistën për CNN.

Pasi rekomandojnë Nju Jorkun, Zelandën e Re, Amazonën peruane, Barcelonën e Spanjës dhe Norvegjinë, ekspertët e CNN-it vënë theksin tek Shqipëria e cila lë pas vende si Japonia, Guatemala, Bullgaria, Italia, Brazili etj.




Gazeta Start: CNN: Shqipëria, ndër destinacionet kryesore turistike në 2011

 

[Bloody]

Kroacia heq vizat për qytetarët shqiptarë


Qytetarët e Shqipërisë tashmë do të udhëtojnë pa viza edhe në Kroaci.


Zagrebi zyrtar vendosi që duke filluar nga 1 janari i vitit 2011, qytetarët e Shqipërisë do të mund të udhëtojnë vetëm me pasaporta drejt këtij vendi ballkanik, i cili nuk është në zonën Shengen.

Me këtë vendim të Kroacisë, i cili pritet të bëhet anëtar i Bashkimit Evropian, shqiptarët udhëtojnë pa viza në të gjitha vendet ballkanike, pasi pak kohë më parë një vendim të tillë e mori edhe Serbia. Shqiptarët mund të qëndrojnë 90 ditë pa pasur nevojë për një vizë si dhe mund të kalojnë transit përmes Kroacisë vetëm më pasaportat e tyre.

“Ministria e Punëve të Jashtme e Republikës së Shqipërisë përshëndet këtë vendim të Qeverisë së Republikës së Kroacisë, e bindur se ky veprim do t’i shërbejë intensifikimit të shkëmbimeve njerëzore, kulturore, ekonomiko-tregtare, etj. dhe do të sjellë dy popujt tanë më pranë njëri-tjetrit”, thuhet në njoftimin e Ministrisë së Jashtme.



Gazeta Start: Kroacia heq vizat për qytetarët shqiptarë

 

[Deqo]

Donspiro. Lukova jone.: Në Shqipëri ndodhen 638 xhami dhe 1.119 kisha. Nuk ishim vend me shumicë myslymane?

Në Shqipëri ndodhen 638 xhami dhe 1.119 kisha.

 

[Bloody]

Përfundon edhe segmenti i fundit i rrugës Durrës-Kukës


Ka përfunduar edhe segmenti i fundit i rrugës Durrës-Kukës, pjesë që ndodhet në dalje të tunelit në drejtim të Kosovës.
Një nga pjesët më të vështira të këtij segmenti, ka përfunduar tashmë duke i dhënë fund ndërtimit të kësaj rruge.

Në segmentin Fushë Dukagjin- Kolsh janë ndërtuar 1.300 m linear ura, ose 10 të tilla mes të cilave më e gjata e gjithë autostradës Durrës-Kukës me një gjatësi 440 metër dhe lartësi 75 metër.

Përfundimi i punimeve është shtyrë disa herë për shkak të terrenit të vështirë në këtë zonë. Përfundimi i punimeve i jep fund vështirësive të udhëtimit nga rruga e vjetër, çka e bënte tejet të vështirë lëvizjen e automjeteve, veçanërisht të autobusëve.





Gazeta Start: Përfundon edhe segmenti i fundit i rrugës Durrës-Kukës