Bunjaki: I kam gati 20 “ushtarë” kundër Haitit
Përzgjedhësi i Përfaqësueses së Kosovës në futboll, Albert Bunjaki, e pret me padurim miqësoren e parë ndërkombëtare nën ombrellën e FIFA-s, më 5 mars kundër Haitit, në stadiumin “Adem Jashari” në Mitrovicë. Në një intervistë për “RTKlive”, Bunjaki ka bërë të ditur se tashmë e ka përpiluar emëroren prej 20 futbollistëve, të cilët iu kanë përgjigjur pozitivisht për ndeshjen historike, por ka thënë se publikimin e emrave do ta bëjë vetëm më 2 mars në një konferencë për media. Zërat se në këtë miqësore pjesë e Përfaqësueses së Kosovës do të jenë edhe lojtarë të tillë me emër si Përparim Hetemaj, Samir Ujkani e Loret Sadiku, Bunjaki as nuk i ka mohuar e as nuk i ka pohuar.
RTK: Miqësorja e parë tashmë është zyrtarizuar, do të luajmë kundër Haitit, çfarë do të thotë kjo miqësore për Përfaqësuesen dhe për ju personalisht?
Bunjaki: Pa dyshim se të gjithë po e kuptojmë rëndësinë simbolike të kësaj loje, por edhe në aspektin sportiv kjo ndeshje na jep mundësi të mëdha për ta filluar punën tonë drejt krijimit të një përfaqësuese të fortë. Për mua personalisht tani do të jetë më lehtë, ngase ndeshjet i zhvillojmë në formë zyrtare dhe kjo ma lehtëson punën sidomos në çështjet administrative. Unë asnjëherë nuk kam dyshuar se kjo dite do të vijë ashtu siç them se shumë shpejt do të vijë edhe mundësia e kualifikimit për Evropian dhe Botëror.
RTK: Opinionin futbolldashës në Kosovë e ka kapluar euforia dhe menjëherë ka filluar të mendohet për fitore në këtë sfidë...
Bunjaki: E kuptoj plotësisht se të gjithë i kemi pritur me padurim këto lëvizje, mirëpo po ashtu besoj se të gjithë e kuptojnë se për të arritur deri te sukseset kërkohet durim dhe punë. Objektivi im është që ne të krijojmë një përfaqësuese të fortë dhe në momentin kur do të inkuadrohemi në kualifikime të arrijmë aty ku duhet. Për këtë arsye çdo ndeshje do ta shfrytëzojmë maksimalisht për zhvillimin tonë.
RTK: Sa e njihni Haitin dhe cili është parashikimi juaj për këtë miqësore?
Bunjaki: Kam informata për kombëtaren e Haitit, por meqë ne kemi në dispozicion vetëm dy stërvitje është shumë me rëndësi që energjia jonë të përqendrohet në punën me grupin tonë. Ne do t’i përdorim të gjitha informatat e duhura dhe t’i thjeshtëzojmë ato që të jenë në shërbim të lojtarëve për lojë. Do të jetë detyrë e jona që emocionet dhe energjinë totale ta shndërrojmë në faktor pozitiv, i cili besoj se do ta bëjë diferencën. Gjithsesi, të gjithë e kuptojnë se ky është vetëm fillimi ynë. Ne e dimë shumë mirë se çfarë dëshirojmë dhe ku duam të shkojmë.
RTK: Deri më tash keni qenë dorështrënguar në dhënien e emrave që do t’i grumbulloni, kush do të jenë futbollistët që do ta kenë nderin ta veshin fanellën e Kosovës në miqësoren e parë dhe kur do të dilni me emëroren përfundimtare?
Bunjaki: Nuk është që unë dëshiroj t’i mbaj emrat enigmë sa më gjatë, por kjo është punë profesionale dhe praktike. Shumë nga lojtarë kanë ndeshje më datat 1 e 2 mars me klubet e tyre, prandaj nuk duhet të ngutemi në këtë drejtim.
Më 2 mars do ta kemi konferencën për media në orën 11:00, ku do t’i publikoj edhe emrat që do të jenë pjesë e Përfaqësueses në këtë sfidë.
RTK: Po përmendet ardhja e
Saimir Ujkanit,
Përparim Hetemajt,
Loret Sadikut e disa yjeve tjera. A do të jenë ata pjesë e kësaj miqësoreje?
Bunjaki: Nuk dua të përmend emra por mund të them se është një grup lojtarësh shumë perspektiv por edhe me përvojë. Për mua dhe shtabin teknik do të jetë kënaqësi të punojmë së bashku me të gjithë lojtarët që do të vijnë.
RTK: Deri tash sa futbollistë iu kanë përgjigjur pozitivisht?
Bunjaki:
Të gjithë ata që kam dashur të jenë pjesë e Përfaqësueses në këtë periudhë. Kosova i ka dyert e hapura për të gjithë lojtarët që ne mendojmë se janë cilësor dhe të cilët dëshirojnë ta përfaqësojnë shtetin më të ri. Disa nga këta lojtarë na u bashkëngjitën më herët e disa na bashkëngjitën tani. Për ne është shumë me rëndësi që vendimi nga lojtarët të merret nga motivimi i brendshëm dhe sportiv. Me rëndësi është që të gjithë ta kuptojnë se Kosova në momentin e pranimit në FIFA dhe UEFA me drejta të plota do t’ua mundësojë të gjithë lojtarëve që të zgjedhin shtetin e tyre nëse ata dëshirojnë ta përfaqësojnë atë.
RTK: Do të thotë në kokën tuaj tashmë e keni 11-shen e parë?
Bunjaki:
Në kokën time i kam 18+2 lojtarë të gatshëm.
RTK: Me çfarë sistemi loje do t''''i kundërviheni Haitit?
Bunjaki:
Filozofia ime e lojës bazohet në punë, kontiunitet dhe fleksibilitet. Pra një sistem loje që bazohet në kualitetin e lojtarëve që kemi në dispozicion, në një mbrojtje të organizuar dhe disiplinuar si dhe loje ofensive, e cila përcillet me pasime të shpejta dhe lëvizje të lojtarëve.
RTK: Mbrëmë keni qenë në “Emirates Stadium”, cila ishte agjenda dhe a biseduat me Adnan Januzajn për ardhjen e tij eventuale në miqësoren kundër Haitit?
Bunjaki: Unë isha në Arsenal për bisedë me dr.Marcus Svensson, për organizimin e lojës në aspektin fiziologjik, regjenerimin, ushqimin, programin, etj. Sa i përket bisedimeve të mia me lojtarët dhe familjarët e tyre, unë, asnjëherë nuk do t’i publikoj, me qëllim të korrektësisë, mbrojtjes së integritetit dhe besueshmërisë reciproke. Gjithsesi, mund të them se Adnan Januzaj është një lojtar i shkëlqyeshëm dhe shumë inteligjent, të cilin madje edhe kombëtaret e tilla si Brazili e Spanja do ta ofronin me kënaqësi e të mos flasim për rëndësinë që do ta kishte për ne në Kosovë.
Intervistoi: Blerim Halimi
http://www.rtklive.com/
Für alle die kein albanisch verstehen. Bunjaki hat jetzt um die 20 Spieler zusammen, er ist mit ihnen zufrieden und hat, wie er sagt, alle bekommen, die er für dieses Spiel haben wollte. Am 2. März wird er die Namen nennen, vorher nicht.
Aus dem Text habe ich noch entnommen, dass eventuell Hetemaj für uns auflaufen wird, das wäre natürlich stark. Er spielt in der Serie A und ist Nationalspieler Finnlands.
